बैशाख २० – राष्ट्रिय परीक्षा बोर्ड (NEB) का अनुसार कक्षा १२ को परीक्षा भोलि अर्थात् बैशाख २१ गतेबाट देशभर एकैसाथ सुरु हुँदैछ। नियमित तथा आंशिक गरी कुल ५ लाख ११ हजारभन्दा बढी विद्यार्थीले यसपटक परीक्षा दिने बोर्डले जानकारी दिएको छ।
बोर्डका अनुसार परीक्षा तोकिएको मितिअनुसार शान्तिपूर्ण, निष्पक्ष र व्यवस्थित रूपमा सञ्चालन गर्न सम्पूर्ण तयारी पूरा भइसकेको छ।
विद्यार्थीहरूलाई परीक्षा सुरु हुनु अघिनै परीक्षा केन्द्रमा उपस्थित हुन, अनिवार्य कागजातहरू (प्रवेश पत्र र परिचयपत्र) अनिवार्य रूपमा साथमा राख्न र परीक्षा आचारसंहिता कडाइका साथ पालना गर्न आग्रह गरिएको छ।
यस वर्षको परीक्षा उच्च शिक्षातर्फ अघि बढ्न चाहने विद्यार्थीहरूका लागि निर्णायक चरण मानिन्छ। बोर्डले विद्यालय, शिक्षक, विद्यार्थी तथा अभिभावक सबैलाई परीक्षाको सफल व्यवस्थापनका लागि सहयोग र समन्वय गर्न अनुरोध गरेको छ।
प्रतिक्रिया दिनुहोस्